Creative Connections

jurdagiid lonohallan miehtá Europa

Leat dal oahpaheaddji, dutki, oahppovázzi, skuvlla oahppi, váhnen dahje eará muđuid dušše beroštuvvan dutkat eurohpalaš identitehta; mii sávvat du gávdnat ollu miellagiddevaš áššiid dán katalogas, nu ahte leage buorre ja joatkke lohkama! Eat čuoččut, ahte leat gávdnan meroštallama dasa mii lea leahkit 'eurohpalaš', muhto mii leat ovddidan dieđu ja áddejumi veahkehit sin, geat smihttet dakkár gažaldagaid ja sidjiide geat fertejit oahpahit ja oahppat dán fáttás.

Ođđajagemánus 2012 Creative Connections -projeakta ovttastuhtii oahpahusa dutkamuša bargojoavkkuid guđa eurohpalaš allaskuvllas ulbmilin gávdnat innovatiivvalaš ja geavatlaš vugiid ovddidit oktavuođaid skuvllaid ja oahppiid gaskka Europas. Dutkamuša ruhtadii EU Comenius -prográmma (517844).

Demokráhtalaš álbmotlahttobajásgeassin, man ulbmilin lea “ráhkkanahttit rávesolbmuid váldit aktiivvalaš rolla demokratiijas ja doalahit vuoigatvuođaideaset ja geatnegasvuođaideaset servodagas”, lea okta Europa ráđi váldofuomášumi vuloš ášši (2009). Beroškeahttá álbmotlahttobajásgeassima prográmmain miehtá Europa, dan mohkkáivuohta mo nuorat dovdet iežaset gullat Europai ja dasa maid dárkkuha leat eurohpalaš, lea jámma digaštallama vuolde. Oažžugoahtimiin áigái skuvllain oktavuođaid kultuvrra, media ja álbmotidentitehta gaskii sáhttá veahkehit juhkkojuvvon eurohpalaš kultuvrra áddejumi. Hutkamiin konkrehtalaš “oktavuođa” lea okta vuohki ovddidit juhkkojuvvon áddejumi ovttat olbmuid gaskka. Diđiimet goittotge ahte oažžut áigái bistevaš oktavuođaid, skuvllat fertešedje addit oahppadiimmuid, mat livčče hástaleaddjit, innovatiivvalaččat ja buvttášedje ovdan daid gaskaomiid ja media, maid oahppit leat hárjánan geavahit.  

Roehamptona universitehta (Stuorra-Britannia) jođiheami vuložin bargojoavkkut Irlánddas, Portugalas, Čehkas, Suomas ja Espánnjas čoahkkanedje hutkat ja ovddidit riikkaid gaskasaš aktiivvalaš dialoga, earenoamážit mánáid gaskka, buoridit áddejumi sierralágan oaidninčiegain Europa álbmotlahttuvuhtii. Min ulbmilin lea ovddidit Europa dási oktiigullevašvuođa mánáid “jienaid” bokte; addimiin sidjiide vejolašvuođa gulahallat gaskaneaset, háleštit iežaset jurdagiin bargguid birra ja kommenteret nuppiideaset govalaš dáiddadujiid. Fállamiin sidjiide dán vejolašvuođa ovddidit nana gulahallandáidduid oktavuođaid bokte sáhttá oaidnit maiddá mearkkašahtti vuohkin addit sidjiide fámuiduhtti rolla dutkanproseassas.

Dáiddabajásgeassin ja geavat leamašan guovddážis min barggus ja dán katalogas leat ovdamearkkat barggus man mii leat dahkan maŋimuš golmma jagi áigge. Dan galggašii lohkat rattát min interneahttasiidduiguin ( www.creativeconnexions.eu ) ovttas, nu ahte beroštupmi beassá láidestit diibmoplánaide, materiálaide, gálduide, galleriijaide ja guorahallamiidda, mat leat fidnemis dál ja boahttevuođas. Mii sávvat, ahte fidnet inspirašuvnna das, maid oainnát ja mii váldit mielas vuostá máhcahusa ja lasáhusaid.  Materiála lea visot friija geavaheami ja juohkima várás.