Creative Connections

Prošeakta

Creative Connections -dutkanprošeakta ovttastuhttá guhtta dutkanjoavkku guđa eurohpalaš universitehtas. Gažaldagas lea mohkkás prošeakta, muhto dat lea buoridan min návccaid barggildit ovttas, reflekteret iežamet barggu oahpaheaddjin ja oahpahan mo sáhttit gulahallat nuppiideametguin dáidaga ja álbmotlahttubajásgeassima oahpahusvugiid buorideami várás.
Prošeavtta earenoamáš ulbmilat:

• Aktiivvalaččat ovddidit “oahppiid jiena” oadjebas ja dorjojuvvon birrasis; Roahkasmahttit oahppiid dutkat iežaset ja eará mánáid identitehta guđa riikkas miehtá Europa.
• Roahkasmahttit atnit ávkin bohtosiid, innovatiivvalaš oahpahusvugiid ja proseassaid, maiguin ovddiduvvo álbmotlahttubajásgeassima  (Education for Democratic Citizenship, Suomas aktiivvalaš álbmotlahttuvuohta) lági birra Europa.
• Dutkat erohusaid eananguovllo- ja gávpotskuvllaid oahppiid vuogis fuomášit ja ipmirdit kultuvrralaš erohusaid ja seammaláganvuođaid.
• Ovddidit ja buoridit digitálalaš teknologiija geavaheami, ávkkástallama ja dasa laktáseaddji diđolašvuođa skuvlaluohkáin jafuolalaččat čuozihuvvon dutkama oassin.
• Veahkehit máŋggagielat kreatiiva ságastallamiid geavahemiinbloggaid, main leat automáhtalaš interneahttajorgalusmašiinnat, man geažil oahppit sáhttet ságastit guhtege iežaset gielain.

Oktasašbarggus doibmejit dutkanjoavkkut, mat čohkiidit universitehtabargiin geain lea sierramáhtolašvuohta dáiddabajásgeassimis ja álbmotlahttubajásgeassimis, oahpaheaddjit ja oahppit guđa EU-riikkas. Mielde leamašan oktiibuot 1080 oahppi/oahppavázzi 7 - 18 jahkásaččat sihke 45 oahpaheaddji 25 skuvllas. Min mihttomearrin lea ahte boahttevuođas máŋggat earátge skuvllat geavahit interneahttasiidduideamet ja materiálaid oažžun dihtii oktavuođaid nuppiide skuvllaide miehtá Europa.

Min ulbmilin lei bargat oahpaheaddjiiguin ja mánáiguin ja addit sidjiide vejolašvuođa váldit prošeavtta iežaset háldui bargamiin doaibmandutkamuša luohkáin. Mánáid govalaš oainnuin Europas dahkkojuvvui ovddalgihtii máŋgga riikkas dutkamuš ja oahpaheaddjiid skuvlejedje geavahit doaibmandutkamuša vugiid ja virtuála vuođu govaid juohkimii ja bloggemii luohkáid gaskka sierra riikkain.

Barggildemiin viiddis oassálastinjoavkkuin máŋgga sierra sajis Europas, mii leat čohkken ollu materiála ja nákcen oaidnit mo dutkamuš lea váikkuhan geavadii. 
Prošeavtta boađusin leat šaddan:

• Oktasašbargoguoibmevuođat oahpaheaddjiiguin, oahpaheaddjin lohkkiiguin, museapedagogaiguin ja dáiddáriiguin.
• Visuálalaš dutkamuša vuohki dahkat diagnosa mánáid identifieremis Eurohpai ja blogga addimiin vejolašvuođa hálešteapmái fierpmis.
• Visuálalaš diehtovuođđu, govvabáŋku, masa gullet (i) dáládáidaga duojit, mat gieđahallet persovnnalaš ja oktasaš identitehta, (ii) oassálastán skuvllaid oahppiid duojit, (iii) ja govat maid mánát leat válljen Europa birra muitaleami várás.
• Čoahkkáigeasut ja árvvoštallamat dán háváš girjjálašvuođas ja materiálain digitála dáidaga, govvaanalysa ja álbmotlahttobajásgeassima oahpahussii – mat oidnojit gáldun diibmoplánain ja teknihkalaš ávžžuhusain oahpaheaddjiide geavada veahkkin. 
• Gáldut doarjjan oahpahussii fáddán identitehta, sierraláganvuohta, olmmošvuoigatvuođat, oktasašbargu ja gulahallan  Eurohpalaš oaidninčiega dáfus.
• Ovdamearkkat buriin vugiin gávdnojit neahttasiidduin diibmoplánaid, girjjálašvuođalogahallama ja dialoga hámis, mat leat friija geavaheamis.
• Neahttasiidduid hutkan innovatiivvalaš oahpahusjurdagiid ovddideapmin laktásemiin identitehtii, vuoigatvuođaide, álbmotlahttuvuhtii ja eurohpalaš temáide joatkašuvvá maiddá jagis 2014 ovddos.

Prošeakta ii noga dán katalogii iige neahttasiidduide – dat leat easkka álgu. Mii vuordit ideaid oahpaheaddjiin ja skuvllain – váldde oktavuođa juos háliidat oassálastit!
Sáhttit veahkehit:

• Vuođđudit blogga skuvllaid gaskasaš oktasašbargui ja gulahallamii.
• Addimiin jurdagiid ja materiálaid skuvlemii, oahpaheapmái ja oahppamii.
• Neahttasiidduid geavahusas eurohpalaš identitehta áddema buorideamis.
• Fállamiin rávvagiid ja guoigalemiid oahpahussii ja dutkamuššii álbmotlahttuvuođa- ja dáiddabajásgeassimis.